DYUTAY LANG KINI

DYUTAY LANG KINI

lyrics: KANIMO IHALAD KO KARON GINOO UG NAGLAUM AKONG KINI MAKAPAHIMUOT KANIMO DYUTAY LANG KINING IHALAD KO KARON APAN KINASING-KASING KANIMO IHALAD KO USAB KARON ANG MGA GRASYA NGA GIKAN SA IMONG KAAYO LAKIP NA KINING KINABUHI KO DAWATA KINING AKONG IHALAD GINOO UG MAGLAUM AKONG KINI MAKAPAHIMUOT KANIMO DYUTAY LANG KINING IHALAD KO KARON APAN KINASING-KASING

Batobalani sa Gugma

Batobalani sa Gugma

I
Batobalani sa gugma, Sa daan tawo palanga.
Batobalani sa gugma, Sa daan tawo palanga.
Batobalani sa gugma, Sa daan tawo palanga. 

Chorus:
KANAMO MALOOY KA UNTA
NGA KANIMO NANGILABA


II
Dinhi sa siyudad sa Sugbo, ang matahum larawan.
Sa unang mga misyonero, sa usang balay hipalgan.
Kanila ikaw nagpakita, gikan da sa imong gugma.

Chorus:
KANAMO MALOOY KA UNTA
NGA KANIMO NANGILABA


III
Giludhan ikaw gisimba, niadtong mga kaparian
Sa tanan nga katawhan, sa mga pono-an nila
Kay sa pagtan-aw kanimo, Kristiyanos sila nahimo.

Chorus:
KANAMO MALOOY KA UNTA
NGA KANIMO NANGILABA


IV
Ang simbahan gipatindog, niadtong mga tawhana,
Aron ang larawan nimo, dunay usang puluy-anan.
Ug didto gihangyo nila, nga kaluy-an nimo sila.

Chorus:
KANAMO MALOOY KA UNTA
NGA KANIMO NANGILABA


V
Nangayo kami kanimo, nga ang matahum mong larawan,
Sa sulud sa kalag namo, makahimong puluyanan
Kay sa tanan kinahanglan, ikaw ang among dalangpan.

Chorus:
KANAMO MALOOY KA UNTA
NGA KANIMO NANGILABA 

DIHA SA HALARAN

  DIHA SA HALARAN

Composer: RUDY VILLANUEVA LYRICS: Diha sa halaran Dayga ang Ginoo sa iyang gahum Tungod sa buhat sa Iyang kamot Dayga ang Iyang kahalangdon Dayga sa tingog sa trumpeta Dayga sa Alpa ug Lera Dayga sa tambor ug plahuta Kaskasi sayawi Siya Ang mga linganay patunoga Ang mga piyangpiyang pakagaya Dayga sa tingog sa trumpeta Dayga sa alpa ug mera Dayga sa tambor ug plahuta Kaskasi sayawi tanan nga adunay gininhawa Dayga ang Ginoo, dayga ang Ginoo

Ayaw Paglangan Ginoo Advent song

 Ayaw Paglangan Ginoo Advent song

( Music and Lyrics by Narz Fernandez)

Umanhi ka ayaw paglangan Ginoo Ang among kasing-kasing Nagahulat kanimo Umanhi ka, ug lamdagi king kadulum Ang mga kanasuran Nagmasolub-on Ang Pagdumot ug ang Pagka mapahitas-on Nagdala kanamo Sa dakong kapildihan Umanhi ka ikaw ang among gilauman Luwasa kami Sa kadautan Umanhi ka ayaw paglangan Ginoo Ang among kasing-kasing Nagatuaw kanimo Umanhi ka, Tuburan sa kaayo Ang among kabubut-on, Lig-onon Mo. Ang Pagdumot ug ang Pagka mapahitas-on Nagdala kanamo Sa dakong kapildihan Umanhi ka ikaw ang among gilauman Luwasa kami Sa kadautan

Aba, Ginoong Maria

 Aba, Ginoong Maria

Napupuno ka ng grasya

Ang Panginoon ay sumasaiyo

Bukod kang pinagpala sa babaeng lahat
At pinagpala naman
Ang 'yong anak na si Hesus

Santa Maria, Ina ng Diyos
Ipanalangin mo kaming makasalanan
Ngayon at kung kami'y mamamatay

Aba, Ginoong Maria
Napupuno ka ng grasya
Ang Panginoon ay sumasaiyo
Bukod kang pinagpala sa babaeng lahat
At pinagpala naman
Ang 'yong anak na si Hesus

Santa Maria, Ina ng Diyos
Ipanalangin mo kaming makasalanan
Ngayon at kung kami'y mamamatay
Amen
Amen

o maria rayna sa pilipinas

Twelve days of Chrtistmas

 On the first day of Christmas

A vision came to me:

A Child born to set the world free.

On the second day of Christmas
A vision came to me:
Two evergreens
And a Child born to set the world free.

On the third day of Christmas
A vision came to me:
Three fruit cakes,
Two evergreens
And a Child born to set the world free.

On the fourth day of Christmas
A vision came to me:
Four manger scenes,
Three fruit cakes,
Two evergreens
And a Child born to set the world free.

On the fifth day of Christmas
A vision came to me:
Five shopping malls,
Four manger scenes,
Three fruit cakes,
Two evergreens
And a Child born to set the world free.

On the sixth day of Christmas
A vision came to me:
Six cards with blessing,
Five shopping malls,
Four manger scenes,
Three fruit cakes,
Two evergreens
And a Child born to set the world free.

On the seventh day of Christmas
A vision came to me:
Seven plates of dressing,
Six cards with blessing,
Five shopping malls,
Four manger scenes,
Three fruit cakes,
Two evergreens
And a Child born to set the world free.

On the eighth day of Christmas
A vision came to me:
Eight choir rehearsals,
Seven plates of dressing,
Six cards with blessing,
Five shopping malls,
Four manger scenes,
Three fruit cakes,
Two evergreens
And a Child born to set the world free.

On the ninth day of Christmas
A vision came to me:
Nine cash dispersals,
Eight choir rehearsals,
Seven plates of dressing,
Six cards with blessing,
Five shopping malls,
Four manger scenes,
Three fruit cakes,
Two evergreens
And a Child born to set the world free.

On the tenth day of Christmas
A vision came to me:

Simeon's Canticle

 

Simeon's Canticle

Lord, let Your servant go in peace
For Your Word has been fulfilled.

A Child shall be born to the Virgin,
And His Name shall be called, "Emmanuel."

Lord, let Your servant go in peace
For Your Word has been fulfilled.

My own eyes have seen Your salvation
Which You have prepared for all men.

Lord, let Your servant go in peace
For Your Word has been fulfilled.

A Light shall reveal to the nations
And the glory of Your people, Israel.

Lord, let Your servant go in peace
For Your Word has been fulfilled.
Lord, let Your servant go in peace
For Your Word has been fulfilled.

Lord, let Your servant go in peace...

 

Come Be Our Light

We are lost in the night
Searching, longing for day
Weary, broken by sin
We seek Your face
Yearn to be saved

You are Savior of All
Son of God the Most High
You alone bring us hope
Healing and strength, mercy and light

Come, Lord Jesus Christ
Be with us now
Come and renew us
Come, oh, Prince of Peace
Dwell in our hearts
Come, be our way, our truth, and life
Conquer the night
Come, be our light, Emmanuel
Emmanuel, Emmanuel, Emmanuel

Save us, Emmanuel
Be our God with us now
Grant us goodness and grace,
Justice and peace, fullness of life

Come, Lord Jesus Christ
Be with us now
Come and renew us
Come, oh, Prince of Peace
Dwell in our hearts
Come, be our way, our truth, and life
Conquer the night
Come, be our light, Emmanuel

Come, Lord Jesus Christ
Be with us now
Come and renew us
Come, oh, Prince of Peace
Dwell in our hearts
Come, be our way, our truth, and life
Conquer the night
Come, be our light, Emmanuel

Be with us now, Emmanuel
Dwell in our hearts, Emmanuel
Conquer the night, Emmanuel
Come, be our light, Emmanuel

Pagsangyaw

 Paglipay ug pagmaya, saulogon ta

Ang grasyang gihatag sa Dios, pagahandumon ta! Gasa gihatag N'ya sa unang mga Kristiyano Ang Batang Jesus, Santo Niño, Tinubdan sa Pagtoo Chorus Atong isangyaw ang pagtoo ni Cristo Ang gugma'g kalinaw, ang kaluwasan ipaambit sa tanan Atong isangyaw ang Ebanghelyo ni Cristo Ang Diosnong kaluoy, pagkamaayo Niya kanatong mga Cebuano Gitawag ta sa pag-alagad, tiunay nga paghalad Sa kinabuhi nga balaan gikan sa Amahan Maria, among Inahan sa pagtoo, ikaw sumbanan Kami giyahan mo, pagsangyaw sa pagtoo Chorus Atong isangyaw ang pagtoo ni Cristo Ang gugma'g kalinaw, ang kaluwasan ipaambit sa tanan Atong isangyaw ang Ebanghelyo ni Cristo Ang Diosnong kaluoy, pagkamaayo Niya kanatong mga Cebuano Taliwala sa mga pagtamay ug pagsulay Pagapuy-an ko, lig-onon ko akong pagtoo Chorus Atong isangyaw ang pagtoo ni Cristo Ang gugma'g kalinaw, ang kaluwasan ipaambit sa tanan Atong isangyaw ang Ebanghelyo ni Cristo Ang Diosnong kaluoy, pagkamaayo Niya kanatong mga Pilipino

Atong isangyaw ang______________ pagtoo____

Ang dalan sa Krus

 STATION OF THE CROSS CEBUANO

 SINUGDANAN PAG – AMPO                   

                 

Makagagahum nga Amahan, imong gipadala ang imong Anak si Jesus aron pagtudlo kanamo sa matarong nga dalan sa kinabuhi, pagpadayag sa dalan sa Iyang krus. Nagtudlo Siya kanamo nga “ang tawo nga magtinguha pagluwas sa iyang kinabuhi kawad-an hinoon niini, samtang siya nga magtugyan niini sa ngalan ni Jesus makadawat sa kinabuhing dayon”. Tabangi kami pagsabot niining maong pagtulon-an ug pagsunod kang Cristo diha sa among pagpanaw sa among kinabuhi.

                                

               Hinigugmang Jesus, sa paglakaw namo sa dalan sa imong krus, tudloi kami sa pagpamalandong sa kadautan sa among kinabuhi nga maoy hinungdan sa imong mga kasakitan ug pag-antus. Tabangi kami sa pagdawat sa imong pasaylo diha sa among pag-angkon sa among mga sala ug kapakyasan nga imong gidaug pinaagi sa pagpaubos sa imong kabubut-on ug sa hugot nga pagdawat alang sa kamatuoran aron usab makadaug kami batok sa sala ug kamatayon, ngadto sa kabubut-on sa Amahan.

       

                 Itugot Ginoo nga, inabagan ug linamdagan sa Espiritu Santo, Pasayloon kami sa among mga sala, ug maangkon namo ang mga panalangin sa pag-antus ug kamatayon ni Cristo.

       

                 Santa Maria among Inahan, Kuyugi kami niining dalan sa krus, duyog sa susamang espiritu diha kanimo sa pagsunod mo kang Jesus ngadto sa bukid sa kalbaryo, ingon nga nagalaum kami pagsunod kaniya uban ngadto sa ganghaan sa langit Amen.

 

Dios namo sa kalooy

Ikaw ang among Amahan;

Magbubuhat, Manunubos,

Ug Ginoo sa nga tanan

 

KORO

JESUS MALOOY KA KANAMO

PASAYLOON MO KAMI;

ANG SALA GIDUMTAN NAMO

DILI NA MAG-USAB KAMI

 

1. SI JESUS GISILOTAN SA KAMATAYON

 

(Pari/Pangulo): Simbahon ka, O Cristo ug daygon Ikaw namo,

(Katawhan): Kay tungod sa Santa Krus gitubos mo ang

kalibutan.

 

 

PAMALANDONG. Dinhi sa sinugdanan sa dalan sa Kalbaryo masud-ong nato ang pagkabalisa sa diosnong han-ay sa tanang butang: ang Anak sa Dios gihukman sa tawhanong panghukom. Ang walay sala nga Cristo gisumbong sa pundok nga makasasala atubangan sa usa ka tawo nga maghuhukom nga si Pilato nga nasayud sa pagkainosente ni Jesus. Bisan pa niani, si Pilato huyang sa pagdapig sa kamatuoran. Ug nagpadaug hinoon sa demanda sa katawhan. Ang hustisya gisilotan og kamatayon sa inhustisya.

 

‘’Buot ni Pilato buhian si Jesus, Busa misulti siya pag-usab ngadto sa mga tawo. Apan misinggit sila pagtubag kaniya: Ilansang Siya sa Krus! Ilangsang Siya sa Krus! Sa ikatulo ka higayon miingon si Pilato kanila:

Apan unsa bay sala nga nahimo Niya? Wala akoy nakaplagan bisan unsa nga angay silotan sa kamatayon! Ipalatus ko siya ug buhian!

 

” Apan nagpadayon sila pangsinggit ug kusog kaayo nga si Jesus kinahanglan gayud ilangsang sa krus; ug nilampos gayud sila sa katapusan. Busa gipahamtang ni Pilato kang Jesus ang silot nga ilang gipangayo.”

 

                                                                                                                                      

 PAG-AMPO. Ginoong Jesus, gitugotan mo nga ikaw mahimong biktima sa inhustisya ug sa kadautan sa mga tawo. Dili tungod kay miuyon ka sa dautang buhat apan kay buot mong pagabayran ang mga sala sa katawhan, sa matag-usa ka tawo.

Bout mo ipakita kanamo ang kadaut nga nahimo namo ngadto sa uban tungod sa garbo, sa kahuyang ug pagdumili sa pagdapig unta sa kamatuoran.

Tudloi kami, O Ginoo, sa mapaubsanong pag-angkon sa among mga sala kon kami masayup, ug pagbarog alang sa kamatuoran ug hustisya dinhi sa among kaugalingong kinabuhi ug atubangan sa tanan. Amen.

 

              (Amahan namo…Maghimaya ka…Himaya sa…)

          GINOONG JESUS KALOY-AN MO KAMI

 

Awit        Pag-abot na sa hukmanan

                Ni Pilato ginahukman

                Sa tunok gipurong-purongan

                Ug sa krus na gipapas-an. Koro

 

 

 

 

 

 

2. SI JESUS GIPAPAS-AN SA IYANG KRUS

 

(Pari/Pangulo): Simbahon Ka, O Cristo ug daygon Ikaw namo,

(Katawhan): Kay tungod sa Santa krus gitubos mo ang                 kalibutan.

 

 

PAMALANDONG.Nahibalo kita nga ang atong kinabuhi dinhi sa kalibutan dili gayud hingpit. Bisan gani sa atong tagsatagsa ka kinabuhi masayup kita, mag-antus kita sa atong mga kahuyang. Ang pag-antus mahimo nga magagikan sa uban tawo ug gikan sa kalibutan mismo. Kinahanglang makakat-on kita sa pag sagubang niining mga kakulangan; sa pagpas-an sa atong krus. Sa adlaw nga kita gibunyagan gipatikan kita sa timaan sa krus. Pinaagi niining mga palas anon sa kinabuhi makabayad kita, sa atong pagkamakasasala, ug bahin makaambit kita sa pag-antus ni Cristo tungod kanato.

 

‘’Unya miingon si Jesus sa iyang mga tinun-an: Ang buot mahimong akong tinun-an kinahanglan nga hikalimtam niya ang iyang kaugalingon, pas-anon niya ang iyang krus, ug mosunod siya kanako. Kay ang buot moluwas sa iyang kaugalingong kinabuhi mawad-an hinuon niini; apan ang mawad-an sa iyang kinabuhi tungod kanako makabaton niini

 

                                                                                                                            PAG-AMPO. Ginoong Jesus, ang dalan padulong sa langit dili sayon. Diha sa among paglakaw pagasulayan kami ug mahisukamod. Buot namo buhaton ang maayo apan usahay among pili-on ang dautan ipagaan kining among palas-anon diha sa among paglikay unta sa sala inabagan sa imong grasya.

Gihatagan mo kami ug daghang mga maayong butang sa kinabuhi, Ginoo, ug nagpasalamat kami. Tabangi kami nga makontinto sa anaa ug sa dili pagtinguha niadtong dili alang sa among kaayohan. Sama kanimo, abagi kami sa pagpailub sa mga kakulang sa kinabuhi. Amen!

                                

(Amahan namo…Maghimaya ka…Himaya sa…)

GINOONG JESUS KALOY-AN MO KAMI!

 

 

Awit     Sa pagpas-an n ani Jesus

            Mihangad sa kahitas-an

            Nahinumdon sa gipanubos,

            Ug gihalad sa Amahan Koro

 

 

 

 

 

 

 

 

 

3.ANG UNANG PAGHISUKAMOD NI JESUS

 

(Pari/Pangulo): Simbahon ka, O Cristo ug daygon Ikaw namo,

(Katawhan): Kay tungod sa Santa Krus gitubos mo ang kalibutan.

 

 

PAMALANDONG.Gawas ning hingpit nga kalibutan, ang Dios nag-andam alang kanato ug lain pa hingpit nga langit. Hinoon, ang panaw padulong sa kinabuhing tunhay kinahanglang pagasugdan dinhi sa kalibutan. Duna gyuy mga kapakyasan sa atong paglakat, apan kinahanglan usab nga mopadayon kita hangtud gayud sa katapusan.

Adunay una nga pagkadugmo, apan anaa pa unyay daghang sunod niini gawas kon tinguhaon nato ang paglikay sa mga higayon, gawas kon magpabilin kitang makanunayon kang Cristo pinaagi sa pag-ampo ang pagdawat sa mga sacramento, ug diha sa atong pagsakripisyo.

 

          ‘’Miingon si Jesus sa iyang mga tinun-an: Ako ang punoan sa paras, ug kamo ang sanga. Ang magpabilin Kanako ug ako diha kaniya mamungag daghan; kay kon wala kamoy mahimo. Ang dili magpabilin kanako mahisama sa usa ka sanga nga ibalibag ug malaya; pamuniton kini ug dauban.

         ‘’Kon magpabilin kamo Kanako ug ang Akong mga pulong magpabilin kaninyo, makapangayo kamog bisan unsa, ug madawat kini ninyo.’’

                                                                                                                                                                                  

 

PAG-AMPO.Ginoong Jesus, giangkon namo among pagkamakasasala. Nahulog kami sa sayop tungod kay mibiya kami kanimo, apan unya sa among kahuyang giila namo ang among panginahanglan kanimo. Dili unta namo kini kalimtan, nga diha lamang sa among pakig-uban kanimo makalaum kami sa pagbuhat sa matarong ug sa pagtubo diha sa Imong grasya.

Ginoo, tabangi kami sa pagbangon gikan sa sala. Hatagi kamig kalig-on sa pagbalibad sa mga pagtental sa kalibutan ug sa limbong sa among kinaiya. Ikaw lamang ang naghupot sa mga pulong sa kinabuhing walay katapusan. Amen!

 

(Amahan namo…Maghimaya ka…Himaya sa…)

GINOONG JESUS KALOY-AN MO KAMI!

 

Awit   Kining unang paghidugmo.

           Ni Jesus ilawon sa Krus

           Gibunalan ug gitukmod

           Gi antus sa Manunubos Koro

 

 

 

 

 

 

 

 

 

4. SI JESUS NAKATAGBO SA IYANG   MASULOB-ONG INAHAN

 

(Pari/Pangulo): Simbahon Ka, O Cristo ug daygon Ikaw namo,

(Katawhan): Kay tungod sa Santa Krus gitubos mo ang kalibutan.

 

PAMALANDONG. Niining higayona ang duha ka buotang tawo nanag-ambitay sa ilang pag-antus: ang inosente nga anak sa makadiyut nakalimot sa kabug-at sa krus diha sa iyang kalooy sa mahal Niyang Inahan, nga naguol ug maayo nga nagsud-ong sa gisilotan nga anak.

Ang santa nga inahan nakasabot sa misyon sa anak nga mag-antus ug magpakamatay alang sa mga makasasala. Busa iya usab bati-on ang kasakit. Mahimo usab siyang biktima, ug sa ingon makaambit sa pagtubos, sa kaliwat nga tawhanon.

 

 

“Si Jesus mipasidaan sa iyang mga sumusunod: kon masilag kaninyo ang kalibutan himundumi, nga akoy unang gikasilagan niini. Kon kamo iya pa sa kalibutan, higugmaon unta kamo sa kalibutan ingon nga iya sa kalibutan. Apan gipili ko kamo gikan niining kalibutana, ug kamo dili na iya sa kalibutan; busa masilag kaninyo ang kalibutan. Hinumdumi ang akong giingon kaninyo: walay ulipon nga labaw sa iyang agalon.’’ (Juan 15: 18 – 20)

 

                                                                                                                                                

PAG-AMPO. Daghan ang mga higayon o Ginoo, nga angay unta namong pas-anon ang Imong krus, ang atong krus. Kinahanglan magpabilin gayud unta kaming malig-on sa among hukom sa pagbuhat sa maayo lamang, sa tinuod lamang, bisan kon ang uban mga tawo masilag kanamo. Apan sa makadaghan napakyas kami. Angay unta namong sundon si Maria nga miuyon sa pag-antus uban Kanimo, ug sa among pagpakig-antus makabayad kami sa kaugalingon namong mga sala.

Santa Maria inahan ni Jesus, ig ampo mo kaming makasasala aron kami malig-on sa pag-atubang sa kasilag sa mga tawo inay supakon namo ang dios. Amen!

 

(Amahan namo…Maghimaya ka…Himaya sa…)

GINOONG JESUS KALOY-AN MO KAMI!

 

Awit   Kaguol dili hitupngan

            Ang gibati sa Inahan

            Kasingkasing daw gilagbasan

            Sa punyal sa kagul-ana. Koro

 

 

 

 

 

 

 

 

 

5. SI SIMON CIRENEO GIPATABANG KANG JESUS PAGPAS-AN SA KRUS

 

(Pari/Pangulo): Simbahon Ka, O Cristo ug daygon Ikaw namo.

(Katawhan): Kay tungod sa Santa Krus gitubos mo ang kalibutan.

 

PAMALANDONG. Sa pagbuhat sa Dios kanato sumala sa iyang dagway ug kasamahan, gihatag niya kanato ang pagsabut sa atong kaugalingon ug sa ubang mga tawo. Ang Dios nakasabut kanato sa labing hingpit, busa daku ang iyang pagpailub kanato. Nankinahanglan usab nga maninguha kita pagsabut sa kahuyang ug kakulang sa uban.

          Sa maong paagiha usab unta ang atong kabubut-on pagtabang sa uban ilabi na sa mga kabus ug sa way kahibalo, sa mga masakiton ug mga naguol. Sa ingon niana matinuod gayud nga kita ang dagway sa Dios dinhi sa kalibutan.

 

        “Gikan sa sinagoga miadto si Jesus sa balay ni Simon ug ni Andres, ug kuyog nila si Santiago ug si Juan. Niining higayona, ang ugangang babaye ni Simon gihilantan ug naghigda. Sa pag-abut gayud ni Jesus didto; gisuginlan Siya mahitungod sa masakiton. Giduol ni Jesus ang masakiton, gikuptan ang kamot ug gipabangon siya. Dihadiha gihuwasan sa hilanat ang masakiton ug unya misilbi siya kanila.

          Sa pagsalop na sa adlaw, gidala sa mga tawo ngadto kang Jesus, ang tanang masakiton, ug ang mga giyawaan, Ang tanang tawo sa lungsod didto, nagkapundok sa atubangan sa bala                                  (Marcos 1: 29 – 33)

 

PAG-AMPO. Ginoong Jesus, sa tagsa-tagsa kanamo gihatag mo ang nagkalainlaing mga gasa sa kinabuhi: mga kabtangan, kaantigohan, maayong lawas ug salabutan. Nagpasalamat kami tungod niining mga gasa, Apan unya daghan sa among mga kaigsoonan nagmakulang diha sa kinabuhi, ug ikaw maalamon nga mitugot niini, aron sama rag mga managsoon magpaambit kami sa uban sa imong mga hinatag kanamo.

          Sama unta ni Simon nga mitabang kanimo, pahinumdumi kami sa pakigyayong sa kabug-at sa kinabuhi nila nga nagkinahanglan kanamo. Agaka usab kami sa among pagkuyog kanimo sa dalan padulong sa langit. Amen!

         

 (Amahan namo…Maghimaya ka…Himaya sa…)

GINOONG JESUS KALOY-AN MO KAMI!

 

 

 

 

 

 

 

6. GIPAHIRAN NI VERONICA ANG NAWONG NI JESUS

 

(Pari/Pangulo): Simbahon Ka, O Cristo ug daygon Ikaw namo,

(Katawhan): Kay tungod sa Santa Krus gitubos mo ang kalibutan.

 

 

PAMALANDONG Sa wala pa ning higayona nakakita na si Veronica sa dagway ni Jesus. Ang dagway sa usa ka mahigugmaong ug maayong tawo apan karon, ubos sa kabug-at sa krus, kining nawong nga napuno sa singot, luwa ug dugo, nahimong dagway sa kabangis sa tawo, naputos sa kahugawan sa sala ug sa pagkadautan sa kalibutan.

          Nagtinguha si Veronica pagpapas niining makalilisang ug subo nga hulagway. Wala siya mahadlok pag-atubang sa kasuko sa katawhan, ug iyang gipahid ang iyang gidala nga panapton sa nawong ni jesus. Niining iyang buhat sa gugma nasaksihan pag-usab sa mga tawo ang dagway sa kaayo nga Diosnon.

 

          “Si Cristo ang anak sa Dios moingon unya sa adlaw sa paghukom: kay gigutom ako ug inyo akong gipakaon; giuhaw aku ug inyo akong gipainum; dumuduong ako ug inyo akong gidawat sa inyong mga balay; hubo ako ug inyo akong gibistihan; nagmasakiton ako ug inyo akong gialimahan; nabilanggo ako ug inyo akong giduaw.

           Unya mitubag kaniya ang mga matarong, Ginoo, kanus a man kami makakita kanimo nga gigutom ug gipakaon ka namo, o giuhaw ug unya gipainum…? Mitubag siya kanila; sultihan ko kamo nga sa matag higayon nga maghimo kamo niini alang sa usa sa labing ubos niining akong mga igsoon gihimo ninyo kini alang kanako.’’ (Mateo 25:35 – 40)

 

                                                                                                             

PAG-AMPO. Ginoong Jesus, tabangi kami nga makasud-ong unta sa imong dagway diha sa among kaigsoonan. Hatagi kami sa grasya sa pagtan-aw sa kaayohan labaw pa kay sa kadautan ug kahugaw sa kalibutan. Pinaagi sa maayong buhat mapasundayag unta namo pag-usab ang larawan sa imong gugma alang sa tanan. Masabut unta namo nga kami imong mga galamiton aron mawagtang ang tanang matang sa kahugawan ug kadautan nga naglibut kanamo, aron ang kalibutan mahimong dapit nga angayang pagapuy-an, aron ang mga gigutom makakaon, ang giuhaw maka-inum, ang hubo kahatagan og isul-ob, ug ang nagsubo makakaplag ug kalipay.

Sa ingong paagiha usab, makita namo pag-usab ang imong dagway dinhi sa matag-usa kanamo. Amen!

 

(Amahan namo…Maghimaya ka…Himaya sa…)

GINOONG JESUS KALOY-AN MO KAMI

 

 

 

7. IKADUHANG PAGHISUKAMOD NI JESUS

 

(Pari/Pangulo): Simbahon Ka, O Cristo ug daygon Ikaw namo,

(Katawhan): Kay tungod sa Santa Krus gitubos mo ang kalibutan.

 

 

PAMALANDONG.Palandongon nato dinhi ang way puas nga tinguha sa Dios ni Cristo, aron kita ma-iya gayud. Sa matag kadagma nato sa dalan sa kinabuhi, sa matag sala nga atong mabuhat, ang Dios anaa kanunay nagdapit kanato sa pagbangon gikan sa atong kapakyasan; Ingon niini ang pagka-walay sukod.sa gugma sa Dios alang kanaton gikan pa sa iyang pagbuhat kanatodaan nakitanggipilinga iyana gyud. Busa walay katarungan si bisan kinsa nga kawad-an sa pag-laum, ang atong kapakyasan anaa diha, nga sa makadaghan dili kita maminaw sa tingog sa Dios o atong balibaran ang pagdapit sa iyang gugma.

 

             “Gipasabut ni Jesus sa mga tawo ang iyang pag-amoma niadtong magsunod kaniya, bisan niadtong mibiya kaniya. Ako ang maayong magbalantay sa mga karnero, ingon nga ang Amahan nakaila kanako ug ako nakaila sa Amahan, nakaila usab Ako sa akong mga karnero ug sila nakaila sa Amahan. Nakita usab Ako sa akong mga karnero ug sila nakaila kanako. Ug ako andam sa pagpakamatay alang kanila.

                Ako adunay mga karnero nga wala mahisakop niining torila. Kinahanglan dad-on ko usab sila nganhi ug mamati sila sa Akong tingog ug mahimo silang usa na lamang ka panon ubos sa usa ka magbalantay.” (Juan 10:14 – 16)

 

PAG-AMPO. Ginoong Jesus, ang among mga kasaypanan, ug ang among walay panumbaling mao ang mga krus nga among gipas-an diha sa kinabuhi. Mahimo baya unta nga wala kini sila, apan sa makadaghan among gituyoan pagbuhat kanila, sa makaduha, makatolo, ug sa makadaghang pa gayud.

Bisan pa niana imo kaming gipasaylo, gitanyag mo ang imong kamut aron sa pagbangon kanamo uban sa imong grasya. Ginoo tandoga ang among mga hunahuna ug kasingkasing sa ingon nga magmalig-on kami sa tinuoray na pagbiya sa sala ug sa among mga bisyo, aron kami mahibalik ug magpabilin sulod sa toril sa imong gugma. Amen!

 

(Amahan namo…Maghimaya ka…Himaya sa…)

GINOONG JESUS KALOY-AN MO KAMI!

 

 

 

 

 

8. MGA BABAYE SA JERUSALEM MIHILAK TUNGOD KANG JESUS

 

(Pari/Pangulo): Simbahon Ka, O Cristo ug daygon Ikaw namo,

(Katawhan): Kay tungod sa Santa Krus gitubos mo ang kalibutan.

 

 

PAMALANDONG. Ang pagkamaloloy-on alang sa mga nag-antus, ang pakigbati sa mga naguol kini usa ka birtud nga magpadayag nga kita mga anak sa Dios, kay ang Dios maloloy-on man. Si Jesus mihilak sa pagkamatay sa iyang higala, nga si Lazaro; nalooy Siya sa katawhan nga walay pagkaon. Misabut siya sa gibati sa mga nagmasakit, sa mga buta, ug sila nga gipaantus sa mga demonyo. Ug iyang gibuhat ang iyang mahimo, sila iyang giayo.

          Sayon da ang pagbati ug kalooy niadtong biniyaan sa palad sa kinabuhi apan ang gikinahanglan mao nga adunay mahimo alang kanila, ang pagtabang sa uban kon anaa kanato ang higayon sa pagtabang.

 

          “Si Jesus nahibalo kon unsay kasubo nga tawhanon. Unya wala madugay, miadto si Jesus sa lungsod sa Nain mikuyog Kaniya ang iyang mga tinun-an ang usa ka dakong pundok sa mga tawo. Sa pag-abot Niya sa ganghaan sa lungsod, mao gayoy paggula sa mga tawo nga naglubong ug minatay.

          Ang minatay bugtong anak lalaki sa usa ka biyuda, ug mikuyog kaniya ang daghang mga tawo gikan sa lungsod. Sa pagkakita ni Jesus sa biyuda, naluoy siya ug miingon sa babaye ayaw paghilak. Unya miduol si Jesus ug gihikap Niya ang lungon, ug mihunong ang mga tawo nga nagyayong sa lungon. Unya miingon si Jesus Ondo, bangon milingkod ang minatay ug misulti, ug gihatag siya ni Jesus ngadto sa inahan.” (Lukas 7:11 – 15)

                                                                                                                     

 

PAG-AMPO. Ginoong Jesus, ang paghatag sa ania kanamo, diha sa pulong ug sa buhat kini ang pagtulon-an nga buot mo ipasabut kanamo. Ang mga babaye sa Jerusalem mihilak tungod kanimo ang ilang mga luha alang kanimo, ug tungod sa kabangis sa imong mga kaaway.

          Dili unta kami makapasubo sa uban. Hinoon kami makahayag unta ug makalipay sa kinabuhi niadtong nagkinahanglan ug kini among pagabuhaton sa imong ngalan Ginoo, himoa kaming andam kanunay sa pakigbati sa uban, ilabi na kanila nag antus sa inhustisya, ug unya pagbuhat sa angayng buhaton. Amen!

 

           (Amahan namo…Maghimaya ka…Himaya sa…)

        GINOONG JESUS KALOY-AN MO KAMI!

 

 

 

 

9.IKATULONG PAGHIDUGMO NI JESUS

 

(Pari/Pangulo): Simbahon Ka, O Cristo ug daygon Ikaw namo,

(Katawhan): Kay tungod sa Santa Krus gitubos mo ang kalibutan.

 

PAMALANDONG. Ang kabug-at sa krus ni Jesus wala mausab, apan ang iyang kusog mikunhod tungod sa nagkaduitay niyang dugo, ang kainit sa adlaw, ug ang pagtungas sa Kalbaryo. Nihisukamod siya sa ikatolo apan naabot ra gihapon niya ang iyang gipadulngan. Ang pagasugdan sa Dios iya gayud pagatiwason. Ang gisaad ni jesus sa amahan ug sa kaliwatan sa tawo iyang gituman pinaagi sa pagkamatay didto sa krus. Ania dinhi kita kanunay mapakyas sa atong mga panaad sa pagbuhat lamang sa maayo unta. Apan si Jesus mipakita sa pagkamakanunayon sa iyang gugma nga iyang gimatuod hangtud sa katapusan ginhawa.

 

          “Si Jesus nagtudlo unsaon pagpabilin nga makanunayon sa iyang mga pulong busa ang tanan nga makadungog sa akong gisulti ug nagtuman niini mahisama sa usa ka tawo nga maalamon, nga nagtukod sa iyang balay diha sa bato. Sa dihang mibundak ang ulan, ug mibaha ang mga suba, ug ang hangin mihapak ug mikusokuso niadtong balaya, wala kini matumba kay natukod man diha sa bato.

          Apan ang tanan nga nakadungog sa akong gisulti ug dili magtuman niini, mahisama sa usa ka tawong buangbuang nga nagtukod sa iyang balay diha sa balas, Sa dihang mibundak ang ulan, ug mibaha ang mga suba, ug ang hangin mihapak ug mikusokuso niadtong balaya, natumba kini ug nagun-ob.” (Mateo 7: 24 – 27)

 

                                                                                                                    

PAG-AMPO. Ginoong Jesus, makapila na kami napakyas sa pagbarog unta nga malig-on diha sa among pagtoo, tungod lang kay among gipalabi ang among tawhanong mga kagustohan, o nahadlok kami sa ubang tawo. Kining tawhanong mga panglantaw mao ang mga ulan ug kahanginan sa kinabuhi nga nagsulay kanamo.

Kaayo unta kon kami makahinumdom sa imong mga pulong nga maoy tinuod unta nga sukaranan sa among kinabuhi, nga dili unta namo panumbalingon ang ubang tawo, ug nga kami molahutay pagsunod kanimo hantud sa katapusan. Amen!

   

(Amahan namo…Maghimaya ka…Himaya sa…)

GINOONG JESUS KALOY-AN MO KAMI!

 

 

 

 

10. SI JESUS GIHUBOAN SA IYANG SAPUT

 

(Pari/Pangulo): Simbahon Ka, O Cristo ug daygon Ikaw namo,

(Katawhan): Kay tungod sa Santa Krus gitubos mo ang kalibutan.

 

 

PAMALANDONG. Latas sa katuigan sa atong panginabuhi kita nakaangkon ug kabtangan, makabaton ug mga higala, ug naanad sa atong mga basatan. Daghang ang mga higayon na sulayan ang atong mga prinsipyo, nga Christohanon sa diha nga may peligro nga kita kawagtangan sa uban ug sa tanan nga atong naangkon.

Mao kini ang mga higayon nga kinahanglan atong barogan ang giisip nato nga mas bililhon pa kay sa tanan nga ikadalit nato sa tawo ug sa kalibutan. Gani, kon kining tanan mawala kanato, nga maangkon nato ang Dios. Siya atong bahandi nga tinuod ug labing bililhon.

 

“Gilitok ni Jesus ang ganti niadtong magsunod kaniya ang tanan nga mibiyag balay, mga igsoon, amahan, inahan, mga anak, o mga uma tungod kanako, makadawat ug labaw sa usa ka gatos ka pilo, ug hatagan pa gayud siyag kinabuhing dayon.”

(Mateo 18: 36 – 37)

          

 “Sa laing bahin miingon siya unsa may makuha sa usa ka tawo kon maangkon niya ang tibuok kalibutan apan kawad-an siya saiyang kinabuhi?  Wala gayud! Waly bisan unsa nga ikahatag sa usa ka tawo aron mabawi niya ang iyang kinabuhi.”  (Marcos 8:36 - 37)

                                                                                                                     

 PAG-AMPO. Ginoong Jesus, tudloi kami sa kaalam ug hatagi kami sa kalig-on diha sa hustong pagpili-namo nga ang Dios ba o ang tawo. Tabangi kami sa pagsunod kanimo bisan pa kon kawad-an kami ug mga higala o mga kabtangan. Hatagi kami sa grasya sa pagsabut nga natawo kami sa kalibutan nga walay dala, ug nga motalikud kami nga walay madala. Ikaw ra gayud nga among Dios ang magpabilin dinhi kanamo. Busa angay nga kami magpabilin usab diha kanimo. Ug diha kanimo among maangkon ang tanan. Amen!

 

(Amahan namo…Maghimaya ka…Himaya sa…)

GINOONG JESUS KALOY-AN MO KAMI!

 

 

 

 

 

 

 

 

11.     SI JESUS GILANGSANG SA KRUS

 

(Pari/Pangulo): Simbahon Ka, O Cristo ug daygon Ikaw namo,

(Katawhan): Kay tungod sa Santa Krus gitubos mo ang kalibutan.

 

 

PAMALANDONG. Sa atong paghanduraw sa mga lansang nga milagpas sa mga kamot ni Cristo, gipahinumdom kanato ang kasagaran nga bahin sa kinabuhi, ang mga pag-antus ug kasakitan. Moabut kini sa nagkalainglaing paagi, mga sakit sa lawas mga suliran, bisan ang Inadlaw natong kahago sa panginabuhi. Mao kini ang tawhanong kahimtang nga atong kabilin, apan unya kinahanglan atong sabton ang kaalam sa Dios sa paghatag sa maong silot. Kay diha sa mga kasakitan ug kahago masukod nato ang atong katakus sa pag-angkon ug dignidad, pagpundo ug mga merito nga atong gikinahanglan. Magpahiduol kita sa Dios. Isalig nato kaniya ang tanan.

 

             “Usa ka adlaw niana misakay si Jesus sa sakayan uban sa iyang mga tinun-an ug miingon siya kanila. Manabok kita sa lanaw. Busa migikan sila. Samtang naglawig sila natulog si Jesus. Unya mihuros ang usa ka dakong subasko ug nasabwan ang sakayan, ug namiligro sila pag-ayo. Unya nanuol kang Jesus ang mga tinun-an ug gipukaw Siya ug giingnan magtutudlo, magtutudlo, hapit na kita malunod.

           Mibangon si Jesus ug gipahunong niya ang hangin ug ang nagpungasi nga mga balod milurang kini ug mibanos ang dakong kalinaw. Ug miingon Siya sa mga tinun-an. Hain naba ang inyong pagsalig.” (Lucas 8: 22 – 25)

                                                                                                                     

 

PAG-AMPO. Ginoong Jesus, kon moasdang na kanamo ang kasakitan ug mga kalisud nganong kawad-an man dayon kamig pagsalig imong gisaad nga ikaw kanunay makig-uban kanamo hangtud gayud sa katapusan. Kini mao untay among kasigurohan ug paglaum. Ang imong gugma kanamo ilabi na sa labing lisud nga mga pagsulay nga among atubangon.

Ginoo, hatagi kami sa pagtoo ug pagsalig kon kami ilangsang sa among krus. Tudloi kami paghalad sa mga kasakitan ug kagul-anan nga maoy among pakig-ambit sa imong pagpanubos, ang among tubag sa imong gasa sa gugma. Amen!

 

(Amahan namo…Maghimaya ka…Himaya sa…)

GINOONG JESUS KALOY-AN MO KAMI!

 

 

 

 

12. SI JESUS NAMATAY SA KRUS

 

(Pari/Pangulo): Simbahon Ka, O Cristo ug daygon Ikaw namo,

(Katawhan): Kay tungod sa Santa Krus gitubos mo ang kalibutan.

 

 

PAMALANDONG. Ang kamatayon, mao kini ang di-kalikayan nga agianan sa panaw ngadto sa kinabuhi sa langit. Sa panghunahuna nga tawhanon kini daw mao nay katapusan, apan diha sa Diosnong laraw kini maoy tinuod nga sinugdanan ang mga kaaway ni Cristo naghunahuna nga nabuntog na nila si Jesus diha sa ilang pagkadautan, apan sulod sa Diosnoong kasingkasing si Jesus nahibalo nga Siya ang mananaog. Busa sa pagsinggit niya natapus na Consummatum est. Gipasabut nga natuman na niya ang hinungdan sa iyang pag-anhi sa kalibutan. Atong buluhaton dinhi sa kalibutan, mao ang kahimoan sa Dios, og natapos na nato ang atong buluhaton. Ang kamatayon mao na ang ganghaan sa atong ganti sa langit.

 

          “Sa nagkahiduol na si Jesus sa adlaw sa Iyang pagkamatay, iyang gipasaligan ang mga tinun-an ayaw kamog kaguol. Salig kamo sa Dios ug salig usab kanako. Sa balay sa akong amahan adunay daghang mga lawak, ug moadto ako ron pag-andam ug dapit alang kaninyo. Kon dili pa kini tinoud, dili ko unta kamo sultihan niini.

             Ug kon atua na ako didto ug makaandam nag dapit alang kaninyo, mobalik ako ug kuhaon ko kamo aron asa ako, atua usab ka (Juan 14 – 13)

 

PAG-AMPO. Ginoong Jesus, alang sa kadaghanan kanamo, ang kamatayon takna gayud sa kasubo. Apan unya ang among pagtoo nagatudlo kanamo, ikaw mipahayag kanamo, nga didto tabok sa among subo nga kagabhion naghulat ikaw kanamo sama sa kahayag sa sayong kabuntagon.

Lig-ona kami niining pagtoo, O Ginoo. Tabangi kami sa pagtuman sa tanang maayo nga among buluhaton samtang ania pa kami sa kalibutan, aron kon imo na kaming tawgon nganha sa kinabuhi sa imong langit, mobiya kami nga malipayon. Sa imong mga kamot, O Ginoo gitugyan namo ang among kalag. Amen!

 

 

(Amahan namo…Maghimaya ka…Himaya sa…)

GINOONG JESUS KALOY-AN MO KAMI!

 

 

 

 

 

 

13. SI JESUS GIHUGOS GIKAN SA KRUS

 

(Pari/Pangulo): Simbahon Ka, O Cristo ug daygon Ikaw namo,

(Katawhan): Kay tungod sa Santa Krus gitubos mo ang kalibutan.

 

 

PAMALANDONG. Didto nagbarug si Maria, walay kukahadlok nga naghalad sa iyang Anak ngadto sa langitnong amahan. Unya diha sa tiilan sa krus iyang gidawat ang patayng lawas sa maong anak, walay bisan usa ka pulong sa kaligutgot batok sa mga kaaway. Ang pagkamainantuson lang sa usa ka masulub-ong inahan. Gigasa niya ang iyang Jesus ngadto sa kalibutan. Karon iyang dawaton usab ang tibuok kaliwatan sa tawo sama nga iyang sinagup nga mga anak. Mamahimo siyang inahan sa Iglesia, ang tigpataliwala sa Dios ug sa katawhan.

 

        “Sa wala pa kawad-I si Jesus sa katapusan Niyang ginhawa, iyang gihatag ang iyang inahan. Duol sa krus ni Jesus nagbarog ang iyang inahan, ug ang igsoong babaye sa iyang inahan, si Maria nga asawa ni Cleofas, ug si maria Magdalena.

          Sa pagkakita ni Jesus sa iyang inahan ug sa tinun an nga iyang gimahal nga nagbarog didto, miingon siya sa iyang inahan’’ babaye, ania ang imong anak.’’

          Unya miingon siya sa tinun-an ‘’Ania ang imong inahan.’’Sukad niadtong taknaa gipatipon si Maria pagpuyo sa mga tinun-an.”

 

 

PAG-AMPO. Ginoong Jesus, karon nga natapos na nimo ang imong misyon. Imong gigasa ngadto sa kalibutan nga tawo nga labing duol sa imong kasingkasing si Maria imong inahan. Sa pagdawat ni Maria sa imong patayng lawas gihakgom niya ang mga kasakit ug kahuyang namong tanan. Si Juan ang minahal maoy mibarog sa ngalan namo usa ka panig- ingnan sa gugma nga mahibalong mobalus.

Tudloi kami O Ginoo, sa paghigugma usab sa imong inahan. Nahimo siyang among inahan, nan, tudloi kami sa pagpuyo nga buotan gayud niyang mga anak. Amen!

    

                                  (Amahan namo…Maghimaya ka…Himaya sa…)

GINOONG JESUS KALOY-AN MO KAMI!

 

 

 

 

 

 

 

14. GIPAHILUNA ANG PATAYNG LAWAS NI JESUS SA LUBNGANAN.

 

(Pari/Pangulo): Simbahon Ka, O Cristo ug daygon Ikaw namo,

(Katawhan): Kay tungod sa Santa Krus gitubos mo ang kalibutan.

 

 

PAMALANDONG. Ang lubnganan ni Jesus, kinalot gikan sa yuta, usa ka hinulman nga dapit, Sa iyang pagkatawo, hinulman usab ang pasilonganan diin gipahimutang Siya sa pasungan dinha sa yuta. Ang pagkatimawa niining katapusan ug sinugdanan alang kanato daan nang gilitok usab sa Dios sa pagsugod sa kasaysayan sa tawo ‘’ikaw abog ug sa abog ikaw mobalik’’

Ipalahutay pa gyud ni Jesus kining pagtulon-ana sa Iyang pag ingon nga walay butang dinhi sa kalibutan ‘’nga molungtad nga kita angay magtinguha sa gingharian lamang sa langit.’’

 

 

“Gitudlo ni Jesus kon unsay tinuod nga bililhon alang kanato. Ayaw kamo pagtigom ug mga bahandi dinhi sa yuta, kay kutkoton lamang kini sa taya ug sa anay, ug makawat usab sa mga kawatan. Pagtigom hinoun kamo ug mga bahandi didto sa langit diin walay taya ug anay nga makakutkot niini, ug walay mga kawatan nga makakawat niini kay hain gani ang inyong bahandi, atua usab didto ang inyong kasingkasing” (Mateo 6: 19 – 21)

 

                                                                                                                    PAG-AMPO. Ginoong Jesus, gihisgutan nimo ang tinuod, nga ang mga bahandi sa langit nga among madala saylo sa lubnganan. Kadaku unta sa grasya nga among madawat kon kanunay among hinumdoman ang imong mga pulong, aron bisan kon panalanginan kamig mga butang nga yutan.on kini among gamiton sa pagpalambo sa among kinabuhi nga kalagnon.

Sa ingon niini, moatubang kami kanimo puno sa tinuod nga mga hiyas, sama sa buotan ug masinugtanong mga sulugoon nga magaambit sa kalipay nimo nga among agalon. Amen!

 

(Amahan namo…Maghimaya ka…Himaya sa…)

GINOONG JESUS KALOY-AN MO KAMI!

 

 

 

 

 

 

 

 

KATAPUSANG PAG-AMPO

 

GINOONG JESUS, nakasunod kami sa imong mga lakang gikan sa hukmanan hangtud sa imong kamatayon, paglubong, pagkabanhaw ug pagsaka sa langit. Namalandong kami sa imong pagsugot sa lagitnong amahan, sa imong pagpadayon hangtud sa katapusan. Mao kini ang panig-ingnan nga gihatag mo kanamo kay ikaw man ang dalan, ang kamatuoran ug ang kinabuhi.

 

Nagpasalamat kami kanimo Ginoo, tungod sa daghang mga higayon nga kami imong gi agak sa pagbangon, apan nagkinahanglan gihapon kami kanimo aron magpabilin kaming makanunayon sa amahan. Tabangi kami sa kalig-on sa Espiritu santo alang sa pagtungab uban kanimo sa kalis sa sakripisyo ang bayranan namo matag karon ug unya. Sama kanimo hinaut unta nga andam kami kanunay pakig-ambit sa among kaugalingon alang sa kaayohan sa uban.

 

Unya inabagan sa imong grasya ikapasalig kanamo ang among mahimayaong nga pagkabanhaw sa pagkamatay sa tawhanong kinaiya, makabangon kami diha sa imong Diosnong gugma. kaugalingon alang sa kaayohan sa uban.

 

Uban sa hinabang ni Maria, ang imo ug atong Inahan, makapanlantaw kami sa unahan ngadto sa imong ginghari-an sa langit, diin wala na unyay mga krus nga palas-anon, ang kalipay na lang sa pagdayeg kanimo, uban sa Amahan ug Espiritu Santo, hangtud sa kahangturan. Amen!

 

(Amahan Namo…Maghimaya ka…Himaya sa… alang sa katuyo-an sa Santo Papa)

 

 

 

 

 

Ang dalan sa Krus Via Crucis sa pinulongang latin maoy usa ka lumbay sa maalampoong       pagpamalandong sa mga lakang ni Cristo gikan sa hukmanan ni Pilato hangtud sa paglubong sa Iyang patay nga lawas.

 

Mahimo kining buhatonsa binagsa o sa pundok nga mag-ampo, gikan sa usa ngadto sa sunod nga estasyon. Kadaghanan maghimo sa estasyon diha sa panahon sa penitensiya sulod sa Kwaresma apan ang tanan gidapit sa pag-ampo niining maong debosyon bisan sa unsang higayon sa tuig. Ang mga primero Biyernes sa bulan, mga adlaw sa pagretiro ug ubang linaing mga higayon sa pagpenitensiya maoy hustong mga panahon sa pagsunod sa masulob-ong pagbaklay ni Crsito ngadto sa Kalbaryo.

 

Ang tanan nga maalampoong maghimo sa dalan sa Krus makadawat og Indulgensiya Plenarya uban sa pagdawat sa santos nga Pagkawalat sulod sa maong adlawa.

 

Sa naandan ang Dalan sa Krus himoon sulod sa simbahan, ilabi na sa panahaon sa Kwaresma. Apan kini mahimo usab sa mga kapilya ug libot sa usa ka kasilinganan. Gidasig ang mga amahan sa mga kabanayan nga maoy mangulo sa pagpangadye sa mga estasyon. Kini maoy usa ka kustomber nga gipasiugdahan karon sa mga kabaryohan ug pundok sa kapunongan dinhi sa matag kapilya.

 

Hinaut unta nga kini mpagya diha sa mga Basic Ecclesial Communities (BEC) alang sa Cristohanong pag-ugmad sa atong katawhan o katilingban sa mga magtotoo.

 

(Nota Bene). Alang sa minubo nga paagi, mahimo nga lab-angan ang ikaduhang bahin ang texto gikan sa Ebanghelyo)