DIOS NAMO SA KALOOY

 DIOS NAMO SA KALOOY 

Dios namo sa kalooy 

Ikaw ang among Amahan

Magbubuhat ug Manunubos

Ug Ginoo sa nga tanan.  

KORO:

HESUS MALOOY KA KANAMO

PASAYLOON MO KAMI

ANG SALA GIDUMTAN NAMO

DILI NA MAG-USAB KAMI.

Pag-abot na sa hukmanan

Ni pilato ginahukman

Sa tunok gipurong-purongan

Ug sa krus na gipapas-an. (koro)  

Sa pagpas-an na ni Hesus

Mihangad sa kahitas-an

Nahinumdom sa gipanubos

Ug gihalad sa Amahan. (koro)  

Kining unang paghidugmo

Ni Hesus ubos sa iyang krus

Gibunalan ug gitukmod

Giantos sa manunubos. (koro)  

Kaguol nga dili hitupngan

Ang  gibati sa Inahan

Kasingkasing daw gilagbasan

Sa punyal sa kagul-anan. (koro)  

May nalooy sa Ginoo

Nga si Simon Cireneo

Gipulihan si JesuCristo

Kay naluya na kaayo. (koro)
 

Ug sa singot gipahiran

Ni Veronica ng bulahan 

Ug sa panyo may timaan

Sa Ginoo nga larawan. (koro)  

Nakatandog sa kasamdan

Ang ikaduhang pagkapukan

Ug gibitad sa tampalasan

Gipapadayon ang pagpas-an. (koro)  

Pulong pa ni JesuCristo

Ayaw pagpanghilak kamo

Angay nga hilakan ninyo

Ang salang inyong nahimo. (koro) . 

Nag-anam og kaluya

Nadugmo na usab siya

Nag-abot ang ginhawa

Kapait nga walay sama. (koro)  

Pag-abot na sa Kalbaryo

Gihuboan ang Ginoo

Ug natandog ang kasamdam

Kay sa saput gilangkatan. (koro)  

Gipahigda ang Ginoo

Gipadupa ug maayo

Ug ang tampalasan

Si Hesus ilang gilansang. (koro)  

Namatay si JesuCristo

Sa bukid sa kalbaryo

Aron nga kita maluwas

Sa kasubo nga dako. (koro)  

Tapos namatay si JesuCristo

Gihugos gikan sa krus

Inahan nga nagkugos

Ni Jose ug Nicodemus (koro)

Paglubong kang JesuCristo

Uban ang iyang Inahan

Ug giandam ang Sepulcro

Pagkatapos gitak-opan (koro)

Sa ikatulo nga adlaw

Nabanhaw si JesuCristo

Kay ang saad niya

Mabanhaw gayod siya. (koro)